Sýnikennslu Guðmars Þórs Péturssonar sem vera átti í Faxaborg í kvöld miðvikudag 25/1 2012 hefur verið frestað vegna veðurútlits. Sýnikennslan verður mánudaginn 30. janúar 2012 kl. 20:00

Guðmar Þór Pétursson tamningamaður verður með sýnikennslu í Faxaborg miðvikudaginn 25. janúar 2012 kl. 20:00.

Guðmar Þór ásamt systur sinni Lindu Rún Pétursdóttur er með aðstöðu að Staðarhúsum.

Aðgangseyrir kr. 1.000 fyrir 16 ára og eldri.  Frítt fyrir 15 ára og yngri.

Fréttir af aðalfundi Faxa haldinn í Brún, 29.nóvember 2011!

Aðalefni fundarins var sameining Faxa og Skugga. Faxamenn gengu til kosninga um málið og var sameining samþykkt með meirihluta atkvæða. Skuggamenn voru með aðalfund sinn á sama tíma og aðalefni þess fundar var um sama efni, sameiningu hestamannafélaganna tveggja. Í kosningu Skuggamanna var sameiningartillagan felld með miklum meirihluta atkvæða. þar með hefur sameiningarferli félganna verið sett í uppnám.

Vegna þeirrar stöðu sem sameiningin er í var ekki hægt að ljúka öllum áætluðum fundarliðum aðalfundarins og var ákveðið að slíta fundi um kl. 23.30, aðalfundi yrði framhaldið einhverju síðar, nánar auglýst.  

Greinagerð um sameiningu hestamannafélaganna Faxa og Skugga.  Unnið í nóvember 2011.

 

Stjórnir félaganna skipuðu fulltrúa í vinnuhóp sem vinna átti upp greinagerð um félagslega þætti við hugsanlega sameiningu félaganna, til upplýsingar fyrir félagsmenn áður en til ákvörðunartöku kæmi á aðalfundum þeirra.

Vinnuhópinn sátu fimm fulltrúar frá Faxa:  Gunnar Örn Guðmundsson; Eygló Hulda Óskarsdóttir; Jómundur Hjörleifsson; Birna Tryggvadóttir; Jóhannes Jóhannesson og þrír fulltrúar frá Skugga: Ásberg Jónsson, Sigurbjörg Sigmundsdóttir og Stefán Logi Haraldsson.

1.     Almennt um nýtt félag

Samanlagður fjöldi félagsmanna í Faxa og Skugga er nú um 550 manns (263 í Skugga og 290 í Faxa).  Sameinað félag verður þar með sjötta stærsta hestamannafélagið innan vébanda Landssambands hestamannafélaga.  Starfssvæði sameinaðs félags verður Mýra- og Borgarfjarðarsýsla, norðan Skarðsheiðar.

2.     Nafn á sameinuðu félagi

Sameinað félag verður annaðhvort að bera nafn annars félagsins sem sameinast, eða fá nýtt nafn.  Hmf. Faxi var eitt af fjórum hestamannafélögum sem lögðu drög að stofnun Landssamtaka hestamanna, á svonefndum Þingvallarfundi 1941.  Hmf. Faxi var síðan eitt af tólf stofnfélögum Landssambands hestamannafélaga, þann 18. desember 1949.  Hmf. Faxi var stofnað 23. mars 1933. Hmf. Skuggi var stofnað 1. janúar 1990.

Tillaga vinnuhópsins er að nýtt sameinað félag heiti Hestamannafélagið Faxi. 

3.     Fjárhagur félaganna

Fjárhagslegur styrkur félaganna er svolítið mismunandi, en þó má segja að sameinað félag verði mjög fjárhagslega öflugt og með virkri félagsgjaldainnheimtu og auknum tekjumöguleikum, í krafti öflugra félags, af mótahaldi og fjáröflunum á að vera hægt að halda uppi öflugu starfi á öllum sviðum félagsstarfsins.  Miklir möguleikar á öflugu æskulýðsstarfi í kennslu þjálfun og keppni, auk þess sem hægt á að vera að halda úti öflugu mótahaldi og þátttöku félagsmanna í stærri sem minni mótum á landsvísu.  Þjónusta við hinn almenna hestaáhugamann á einnig að geta verið öflug, s.s. í reiðvegagerð, beitarhólfum fyrir landlausa félagsmenn, samkomuhaldi, námskeiðahaldi og ýmiskonar fræðslu- og kennsluerindum fyrir félagsmenn.

Hmf. Skuggi er fjárhagslega mjög sterkt félag með bókfærða fastafjármuni uppá um 6,6 millj. króna, í félagsheimili og vallarsvæði.  Þá á félagið skráðan eignarhlut í Reiðhöllinni Vindási ehf. uppá um 23,5 millj. króna, auk eignarhluta í rekstrarfélaginu Selás ehf. uppá 250 þúsund.  Veltufjármunir félagsins eru nú um 2 millj. króna.  Félagið er með beitarsamning við Borgarbyggð og einnig er nýbúið að ganga frá beitarsamningi við eigendur jarðarinnar Holts.  Þá hefur félagið fjárfest á undanförnum árum fyrir nokkrar milljónir í reiðvegum útfrá hesthúsahverfinu í Borgarnesi, gegn mótframlagi frá LH og VR.

Hmf. Faxi er með skráðan eignarhlut í Reiðhöllinni Vindás ehf. uppá um 22 millj. króna, auk eignarhlutar í rekstrarfélaginu Selás ehf. uppá 250 þúsund.  Veltufjármunir félagsins eru um 1,9 milljónir. Félagið á nýlegt hljóðkerfi sem nýtt er í hestamiðstöðinni á Miðfossum og er það metið á um 400 þúsund.  Faxi á einnig eignarhlut í reiðvelli á Hvanneyri, á móti LbhÍ.  Faxi er með leigufrían samning um afnot af hestamiðstöðinni á Miðfossum og reiðvöllum þar, sem upphaflega var til tólf ára og eru nú um sjö ár eftir af þeim samningi.  Þá hefur félagið einnig fjárfest á undanförnum árum fyrir nokkrar milljónir í reiðvegagerð í Borgarfirði, gegn mótframlagi frá LH og VR.

4.     Félagsgjöld

Innheimtu félagsgjalda (árgjalda) er í dag mismunandi farið hjá félögunum. 

Hjá Hmf. Faxa er árgjald kr. 6.000,- fyrir alla félagsmenn 17 ára og eldri (ekki afsláttur á maka).  Gjaldfrítt er fyrir 16 ára og yngri félaga.  Heiðursfélagar eru gjaldfríir.

Hjá Hmf. Skugga er árgjald fyrir fullorðna, 17 ára og eldri, kr. 5.000,-, en maki greiðir þó einungis hálft gjald ef bæði hjón eru í félaginu, þ.e. kr. 2.500,-.  Unglingar 13-16 ára greiða árgjald kr. 2.000,- en börn 12 ára og yngri eru gjaldfrí.  Þá verða félagsmenn gjaldfríir þegar þeir hafa náð 67 ára aldri.

Tillaga vinnuhópsins að árgjaldi sameinaðs félags:

·         Fullorðnir, 18 - 67 ára                  kr. 5.000,-

·         Makagjald (afsláttur)                   kr. 2.500,-

·         Unglingar 13 - 17 ára                    kr. 2.500,-

·         Börn 12 ára og yngri                      Frítt.

·         Félagsmenn eftir 67 ára aldur   Frítt

5.     Vettvangur félagsstarfsins

Ljóst er að reiðhöllin Faxaborg í Borgarnesi verður miðstöð hestamennskunnar innan nýs sameinaðs félags.  Bæði félög hafa lagt á sig mikla vinnu og lagt út mikla fjármuni til að koma þessari aðstöðu upp og má segja að tilvist reiðhallarinnar Faxaborg og starfseminnar þar sé meginástæðan fyrir því að stjórnir félaganna hafa lagt í þá vegferð að leggja fyrir félagsmenn sína tillögu um sameiningu félaganna.  Þá er einnig ljóst að til framtíðar verður reiðhöllin Faxaborg, ásamt vallarsvæðinu í Borgarnesi það framtíðarsvæði sem uppbygging sameinaðs félags mun byggjast í kring um.  Þá er á svæðinu mjög mikilvæg aðstaða til félagslegrar starfsemi, svo sem til fundarhalda, námskeiða- og fræðslustarfsemi, skemmtana og ýmissa annarra samkoma, bæði í reiðhöllinni Faxaborg og einnig í félagsheimilinu við Vindás.

Félagsheimilið við Vindás verða þó höfuðstöðvar félagsins til skemmtana og samkomuhalds og þar verður jafnframt lögheimili hins sameinaða félags. 

Vallarsvæðið í Borgarnesi verður síðan aðal völlur félagsins til keppni, sýninga og æfinga fyrir félagsmenn og verður hann byggður upp sem slíkur.  Þar sem ennþá eru eftir sjö ár af gjaldfríum leigusamning við Miðfossa, þá mun félagið nýta þá aðstöðu eftir föngum og þegar henta þykir fyrir félagsmenn.

6.     Mótahald

Sameinað félag mun hafa mikla möguleika til að halda úti öflugum innanfélags- og opnum mótum, svo sem í íþrótta- og gæðingakeppni, sem og kynbótasýninga.  Vetrarleikar sem félögin hafa haldið sameiginlega s.l. tvo vetur og búið er að ákveða þennan vetur einnig, hefur verið góður vettvangur fyrir félagsmenn að stíga sín fyrstu skref í keppni ásamt því að vera mikilvægur vettvangur fyrir atvinnumennina okkar í hestaíþróttunum.  Stærra og öflugra félag á að geta boðið uppá fleiri og öflugri innanfélagsmót, jafnframt því sem keppnissveit félagsins verður öflugri á landsvísu, s.s. á fjórðungs- og landsmótum.

Félagið þarf að viðhalda mótaröðum og jafnvel sérmótum í reiðhöllinni yfir vetrarmánuðina og jafnframt að halda íþróttamót , gæðingamót, bikarmót og úrtökumót yfir sumartímann.  Markmiðið þarf að vera að þeir félagsmenn sem stefna hátt í keppni á stórmótum, bæði á landsvísu og erlendis hafi stuðning frá öflugu félagi, m.a. með sterku mótahaldi og öflugum undirbúningi heimafyrir.

Æskilegt er að félagið haldi úti tveimur mótanefndum, annarri til að halda utan um mótahaldi yfir vetrarmánuðina og hinni til að halda utan um öll mót yfir sumarið og haustin.

7.     Æskulýðs - og unglingastarf

Eitt af meginmarkmiðum sameinaðs félags verður að hlúa vel að börnum, unglingum og ungmennum í félagsstarfinu.  Námskeiðahald fyrir byrjendur í hestamennskunni er grunnurinn að undirbúningi þeirra til framtíðar hestamennsku í félaginu, má þar nefna reið-, reiðtygja- og umhirðunámskeið. Faxi hefur haldið knapamerkja námskeið í um fjögurra ára skeið og Skuggi hefur haft samstarf við Grunnskólann í Borgarnesi um kennslu og þjálfun á knapamerkja námskeiði, þýðingarmikið er að efla þetta starf og þróa einnig í samstarf við framhaldsskólana.

Æskulýðsnefnd þarf að halda úti öflugu starfi fyrir börn og unglinga með t.d. mánaðarlegum reiðtúrum fyrir börn, unglinga og jafnvel alla fjölskylduna.  Standa þarf fyrir árlegum uppskeruhátíðum fyrir börn og unglinga og einnig skipulegum sumarferðum fyrir ungmennin.  Nefndin þarf einnig að halda utan um samskipti við nágrannafélögin og LH-æskulýðsnefnd.

Öflugt æskulýðsstarf í kennslu, þjálfun og keppni á vegum félagsins á að skila sterkum keppendum inní mót félagsins og síðan á stærri mótin í landinu.  Ungir og efnilegir knapar verða betri hestamenn og jafnvel keppnismenn framtíðarinnar fyrir hönd félagsins.

8.     Reiðvegamál

Reiðvegagerð hefur verið umfangsmikil í starfi beggja félagana undanfarið og ljóst að þar þarf að halda áfram uppbyggingu og skipulagningu, til hagsbóta fyrir félagsmenn og aðra þá sem leið eiga um félagssvæði hins sameinaða félags.  Vinna þarf náið með sveitarstjórn og Vegagerðinni um viðhald núverandi reiðvega og uppbyggingu nýrra.  Einnig er mikilvægt að unnið sé í uppbyggingu áningarstaða í samstarfi við fyrrgreinda aðila og eins landeigendur á hverjum stað.  Samtenging reiðleiða um héraðið og heildarskipulagning þeirra er nauðsynlegt framfaramál.

9.     Uppákomur og hefðir félaganna

Mikilvægt er að sameinað félag haldi úti öflugu félagsstarfi fyrir félagsmenn og í því sambandi er mjög áríðandi að þær hefðir sem byggðar hafa verið upp hjá félögunum haldist í meginatriðum og verði grunnur að heildstæðu félagsstarfi.

Faxa-menn hafa árlega haldið Faxagleði fyrri hluta ágúst-mánaðar með firmakeppni og kappreiðum og sjálfsagt að halda þeim viðburði áfram, sem síðsumarhátíð félagsins.

Skugga-menn hafa boðið uppá fjöruferð á föstudaginn langa, í Rauðanesfjörur.  Þá hefur árlega verið boðið til síðsumarferðar, um miðjan ágúst.  Bæjarstjórnarreið, þar sem fulltrúum úr sveitarstjórn og starfsmönnum sveitafélagsins hefur verið boðið í reiðtúr, hefur verið nokkuð fastur liður í upphafi sumars, áður en sleppt er í hagagöngu á sumrin.

Þá hafa bæði félögin haldið firmakeppni árlega, sem er hugsað sem fjáröflun fyrir félagið, þar sem leitað er eftir fjárhagsstuðningi frá fyrirtækjum og einstaklingum á svæðinu og þar gefst hinum almenna félagsmanni tækifæri til að spreyta sig á sínum ágætu gæðingum, án þess að haldið sé úti stífum reglum um sýningu, gagntegundir eða dómgæslu.

10.           Beitarmál

Beitarmál eru mikilvægt atriði fyrir þann hluta félagsmanna sem býr í þéttbýlinu og hefur ekki til umráða landrými fyrir sín hross, yfir sumartímann og eins fyrir haustbeit, til áramóta.  Skuggi er með samning við Borgarbyggð um leigu á beitarsvæði í nágrenni Borgarness og fyrir liggur að félagið gangi frá samningi við eigendur jarðarinnar Holts um beitarafnot af stórum hluta þeirrar jarðar.  Áríðandi er að sameinað félag finni flöt á að bjóða áfram félagsmönnum sínum í Borgarnesi uppá þessa þjónustu og tryggi með samningum við sveitarfélagið að svo verði.  Einnig má hugsa sér að félagsmenn búsettir í öðrum þéttbýliskjörum á félagssvæðinu hefðu aðgang að slíku svæði, þar sem ljóst er að landlaus hestamaður er ekki vel settur.  Hóflegt og sanngjarnt endurgjald er að sjálfsögðu grunnurinn fyrir að félagið geti haldið úti þessari þjónustu.

11.           Önnur atriði til úrlausnar nýrrar stjórnar

·         Umhverfis- og skipulagsmál

·         Rúlluplan, kerruplan, hringgerði í Borgarnesi

·         Umsýsla og viðhald félagsheimilis

·         Félagsmerki og félagsbúningur

 

Landsmótsnefnd á faraldsfæti!

Á stjórnarfundi í Landssambandi hestamannafélaga þann 12. ágúst síðast liðinn, var ákveðið að landsmótsnefnd sú er stofnuð var haustdögum 2010, færi út í hestamannafélögin í landinu til að kynna skýrslu sína, niðurstöður og umfjöllunarefni og svara fyrirspurnum fundarmanna.

Fundur um kynningu nefndarinnar á þessari skýrslu verður haldinn í Landbúnaðarskólanum á Hvanneyri þriðjudaginn 6. september kl. 20:30.

Stjórn LH hvetur alla hestamenn til að kynna sér innihald skýrslunnar og koma af stað málefnalegum umræðum á fundunum sem næst þeim verða haldnir.

Í nefndinni sitja eftirtaldir einstaklingar:

Sveinbjörn Sveinbjörnsson formaður, skipaður af LH

Birgir Leó Ólafsson, skipaður af LH

Stefán Haraldsson, skipaður af LH

Sigrún Ólafsdóttir, skipuð af BÍ

Kristinn Guðnason, skipaður af BÍ

 

Auk fulltrúa nefndarinnar mun Haraldur Þórarinsson formaður LH koma á fundina.

Með góðri kveðju,

Stjórn LH.

linkur á skýrslu nenfdarinnar í heild sinni hér að neðan:

http://lhhestar.is/static/files/LM%20skyrsla%20final.pdf 

Faxagleði

Faxagleði var haldinn laugardaginn 6.ágúst í blíðskaparveðri. Góð þátttaka var í öllum flokkum. Gaman var að sjá og upplifa góða stemmingu á mótsvæðinu og einhug á meðal keppenda. Allir voru klárlega mættir til að eiga góða stund í góðra vinahóp. Veðrið spillti ekki fyrir, glampandi sól og blíða. Aðstaðan á Miðfossum og velvilji staðarhaldara er til fyrirmyndar. Dómarar firmakeppninnar voru þær Lina Rún Pétursdóttir og Freyja Þorvaldsdóttir. Þær unnu dómarastörf sín með mikilli prýði enda vandi að velja flottasta gæðinginn úr svo stórum hópi þátttakenda. En alls tóku þátt í firmakeppninni 5 börn, 10 unglingar, 21 kona og 16 karlmenn. Flottir knapar og á góðum gæðingum sem allir voru verðugir verðlaunahafar en einungis einn í hverjum flokki fer heim með bikarinn.

Eftir settlega reið firmakeppninnar tóku við kappreiðar er krefjast dug og þor þátttakenda sem og spyrnugetu hrossanna. Keppnisdeginum var svo lokið með bjór/gostölti og þrautabraut en þar mátti sjá marga skemmtilega takta. Tvær seinustu keppnisgreinarnar krefjast næmni og góðs sampils knapa og hests. Góðum degi lauk svo með grilli er mótsnefndin stóð höfðinglega að. Mótshaldarar fá þakkir fyrir skemmtilegt mót.

Úrslit firmakeppni Faxa 2011:

Pollaflokkur - allir sigurvegarar

Barnaflokkur

Verðlaunasæti           Nafn knapa og hests            Fyrirtæki sem keppt er fyrir

1.  Gyða Helgadóttir á Hermanni                      - Sauðfjárræktarbúið Kópareykjum

2.  Árni H. Hafsteinsson á Ísak                                 - Áslaug og Arnar

3.  Inga B. Víkingsdóttir á Blika                                - Heyfang sf.

4. Róbert V. Víkingsson á Skjóna                            - Hofsstaðir

5. Guðrún Karítas Hallgrímsdóttir á Vafa                 - Hópferðarþjónustu Sigga og Steina Gulla Ölvaldsstöðum 4

Unglingaflokkur

Verðlaunasæti           Nafn knapa og hests            Fyrirtæki sem keppt er fyrir

1. Konráð Axel Gylfason á Smell frá Leysingjastöðum      - Bergur og Birna á  Eskiholti

2. Sigrún Rós Helgadóttir á Biskup frá Sigmundsstöðum - Doddi og Co. Kvisti

3. Steinunn Arinbjarnardóttir á Kork á Þúfum                      - Hönnubúð

4. Klara Sveinbjörnsdóttir á Abel frá Hlíðarbergi                - Geirshlíðarbúið

5. Ástrós Líf Rúnarsdóttir á Vissu frá Einhamri                   - Garðar og Aldís Árbergi

Kvennaflokkur

Verðlaunasæti           Nafn knapa og hests            Fyrirtæki sem keppt er fyrir

1. Sif Ólafsdóttir á Börk frá Einhamri                          - Gamlahúsið Skáney

2. Sigurborg Jónsdóttir á Svaðilfara frá Báreksst.    - Andrés Konráð G.

3. Randi Holaher á Skvísu frá Skáney                        - Siggi og Inga

4. Eva Karen Þórðardóttir á Kviðu frá Steinum         - Grétar og Svandís Höll

5. Ildra Viehl á Spyril frá Selfossi                                - Ilona og Þórólfur Ferjubakka 2

Karlaflokkur

Verðlaunasæti           Nafn knapa og hests            Fyrirtæki sem keppt er fyrir

1. Oddur Björn Jóhannsson á Gáska frá Steinum     - Skjólbrekka Tamningar

2. Reynir Aðalsteinsson á Lykil frá Syðri Völlum       - Haukur og Ingibjörg Túngötu 9

3. Haukur Bjarnason á Sóló frá Skáney                     - Ferðaþjónustan Nesi

4. Stefá Hrafnkelsson á Lotningu frá Útnyrðingsst.         - Tarfafélagið

5. Halldór Sigurðarson á Kolskegg frá Snartartungu      - Hrossaræktarbúið Furugrund

Kappreiðar

300 m. Brokk

        Tími /sek                    Hestur                                    Knapi

Úrslit

1.         35:40               Skáli frá Skáney                     Randi Holaker

2.         35:82               Korkur frá Þúfum                    Steinunn Arinbjarnardóttir

3.         37:40               Krummi frá Ölvaldsstöðum    Edda Ingibjörg

300 m. Stökk

        Tími /sek                    Hestur                                    Knapi

Úrslit

1.         22:60               Kapteinn                                 Oddur Björn Jóhannsson

2.         25:34               Kóróna                                    Lilja Rannveig

3.         27:30               Viola frá Ölvaldsstöðum        Þórdís Fjeldsted

250 m. Skeið

        Tími /sek                    Hestur                                    Knapi

Úrslit

1.         26:50               Þorfinnur frá Skáney             Bjarni Marinósson

2.         29:34               Þytur frá Þinganesi                 Klara Sveinbjörnsdóttir

3.         33:31               Hulnir frá Ölvaldsstöðum      Þórdís Fjeldsted                    

1. Holl

33:31               Hulnir frá Ölvaldsstöðum                  Þórdís Fjeldsted

33:70               Þytur frá Þinganesi                           Klara Sveinbjörnsdóttir

2. Holl

26:50               Þorfinnur frá Skáney                         Bjarni Marinósson     

00:00               Haukdal frá Stafholtsv.                     Jóhannes

150m. Skeið

         Tími /sek        Hestur                        Knapi

Úrslit

1.         22:02              Hrafntinna                  Jóhannes

2.         22:16               Þyrla                           Halldór

3.         27:74               Gullbrá                       Guðmundur Árnason

1. Holl

00:00               Skartur frá Ölvaldsstöðum                 Þórdís Fjeldsted

33:70               Sproti frá Ölvaldsstöðum                   Sólveig Ósk

34:07               Gola frá Ölvaldsstöðum                     Guðrún Fjeldsted

2. Holl

30:27               Abel frá Hlíðarbergi                       Klara Sveinbjörnsdóttir                     

00:00               Skugga-Sveinn                              Hera Hafsteinsdóttir                         

3. Holl

00:00               Sikill frá Sigmundarstöðum          Reynir Aðalsteinsson                        

27:74               Gullbrá frá Skarði                         Guðmundur Árnason                  

4.Holl

22:02               Hrafntinna frá Stafholtsveggjum       Jóhannes                                

22:16               Þyrla frá Söðulsholti                          Halldór Sigurkarlsson           

00:00               Þorfinnur frá Skáney                          Bjarni Marinósson                      

Leikþrautir - innanhúss

Bjórtölt - Vinningshafi

 Haukur Bjarnason frá Skáney

Gostölt - Vinningshafar

1.         Hugrún Björk Helgadóttir

2.         Ástrós Líf Rúnarsdóttir

3.         Steinunn Þorvaldsdóttir

4.         Lilja Rannveig Sigurgeirsdóttir

Þrautabraut

Börn / unglingar

Þáttakandi                                                     Tími           Villur                       Sæti

Sigrún Rós Helgadóttir                                4:62               1

Gyða Helgadóttir              (2. sæti)             41:59             0                                2.

Lilja Rannveig                                               33:62             2

Hera                                                               33:01             2

Konráð Axel Gylfason                                  44:00             3

Hugrún Helgadóttir           (1.sæti)              27:26             0                                1.

Ástrós                                                            28:62             2

Róbert Víkingsson                                       45:54              0

Árni Hrafn Hafsteinsson   (3.sæti)             43:07              0                                3.

Inga Dís                                                         45:97             0

Ungmenni / fullorðnir

Verðlaunasæti           Þáttakandi                 Tími        Villur                    Sæti

Klara Sveinbjörnsdóttir                                  39:29            2

Margrét á Hvanneyri                                      56:90            1                                            

Bjarni á Skáney                                              00:00            4

Guðumundur Árnason                                 1:28:00           6

Sif Ólafsdóttir          (2. sæti)                         44:30            1                            2.

Steinunn Þorvaldsdóttir                                 00:00            4                                            

Þórdís Fjeldsted                                             48:48            1

Þórdís Skúladóttir   (3.sæti)                          47:48            1                            3.

Guðrún Fjeldsted                                         1:03:11            4                                            

Sólveig Ósk             (1.sæti)                          49:55            1                            1.

Ílnoa Viel                                                       1:14:30            2

Hulda Jóns                                                     48:39              2

Edda                                                               37:86              6                                       

Sindri í Bakkakoti                                       1:05:42              3

Allir þátttakendur Faxagleðinnar fá þakkir fyrir drengilega keppni og vinningshöfum óskum við innilega til hamingju með árangurinn.

Fylgst með árangri félagsmanna á LM 2011

Dagur 4. - Miðvikudagur

Úrslit milliriðils   

Unglingaflokkur:

Klara Sveinbjörnsdóttir á Óskari frá Hafragili - 6. sæti með einkunnina: 8,39

Með þennan árangur fer Klara beint með Óskar sinn inn í A-úrslitin. Til hamingju með árangurinn Klara og njóttu hverrar sekúndu í úrslitunum. Hlökkum til að fylgjast með þér á brautinni á sunnudaginn, A-úrslit unglinga hefjast kl. 13:15.

A-flokkur:

Röskur frá Lambanesi,  knapi Birna Tryggvadóttir - 17. sæti með einkunnina: 8,39  

 

Kæru knapar innilega til hamingju með árangurinn, flottir fulltrúar Faxa.

 

Fréttir af kynbótahrossum úr héraði - dagur 4.

6v. Stóðhestar

IS2005136409 Asi frá Lundum II
Litur: 3440 Jarpur/rauð- tvístjörnótt
Sköpulag: 8,5 - 8,5 - 9,5 - 9,0 - 7,5 - 8,5 - 8,5 - 9,0 = 8,54
Hæfileikar: 9,0 - 9,0 - 5,0 - 8,0 - 9,0 - 9,0 - 8,5 = 8,23
Aðaleinkunn: 8,35      Hægt tölt: 8,5      Hægt stökk: 8,0

IS2005135813 Þytur frá Skáney
Litur: 1500 Rauður/milli- einlitt
Sköpulag: 7,5 - 8,0 - 9,0 - 9,0 - 8,0 - 8,0 - 8,5 - 9,5 = 8,36
Hæfileikar: 8,5 - 8,5 - 7,5 - 8,5 - 8,5 - 8,5 - 7,5 = 8,27
Aðaleinkunn: 8,30      Hægt tölt: 8,0      Hægt stökk: 8,5

7v. Stóðhestar

IS2005135813 Þytur frá Skáney
Litur: 1500 Rauður/milli- einlitt
Sköpulag: 7,5 - 8,0 - 9,0 - 9,0 - 8,0 - 8,0 - 8,5 - 9,5 = 8,36
Hæfileikar: 8,5 - 8,5 - 7,5 - 8,5 - 8,5 - 8,5 - 7,5 = 8,27
Aðaleinkunn: 8,30      Hægt tölt: 8,0      Hægt stökk: 8,5

Niðurstöður eftir forsýningu - yfirlitssýning stóðhesta hefst á föstudaginn kl. 08.00. Allir ræktendur, eigendur og knapar til hamingju með flottan árangur. 

Fréttir af kynbótahrossum úr héraði - dagur 3.

4v. hryssur

IS2007238736 Vissa frá Lambanesi
Örmerki: 352206000041737
Litur: 3500 Jarpur/milli- einlitt
Ræktandi: Agnar Þór Magnússon
Eigandi: Sporthestar ehf.
F.: IS2001135613 Glymur frá Innri-Skeljabrekku
Ff.: IS1998135614 Gaukur frá Innri-Skeljabrekku
Fm.: IS1991236230 Þyrla frá Norðtungu
M.: IS1994238714 Elding frá Lambanesi
Mf.: IS1988188539 Gimsteinn frá Bergstöðum
Mm.: IS1987238711 Sveifla frá Lambanesi
Mál (cm): 136 - 135 - 60 - 134 - 25,5 - 16,5
Hófa mál: V.fr.: 8,6 - V.a.: 7,6
Sköpulag: 8,5 - 8,0 - 7,0 - 8,0 - 7,0 - 7,5 - 7,5 - 7,5 = 7,68
Hæfileikar: 8,5 - 7,5 - 9,0 - 8,0 - 9,0 - 8,0 - 7,0 = 8,31
Aðaleinkunn: 8,06
Hægt tölt: 8,0      Hægt stökk: 7,0
Sýnandi: Birna Tryggvadóttir Thorlacius

Ræktendur, eigendur og knapi til hamingju með flottan árangur. 

Fylgst með árangri félagsmanna á LM 2011

Dagur 3.

Þriðjudagur:

Milliriðill - Barnaflokkur:

Gyða Helgadóttir á Hermanni frá Kúskerpi - 6 sæti með einkunnina: 8,31

Gyða gangi þér vel í úrslitunum, njóttu hverrar sekúndu.

Forkeppni - A-flokkur:

Röskur frá Lambanesi knapi: Birna Tryggvadóttir - 18. sæti með einkunnina: 8,46

Blær frá Hesti knapi: Tryggvi Björnsson - 34. sæti með einkunnina: 8,37

 

Kæru knapar innilega til hamingju með árangurinn þið eruð stolt okkar félags öll sem eitt. Við sem heima sitjum munum halda áfram að fylgjast stolt með knöpum og hestum á LM 2011.

 

Kæru Faxafélagar!

Ef þið eigið góðar myndir af félagsmönnum á LM 2011 endilega sendið okkur mynd ásamt texta svo hægt sé að leyfa fleirum að njóta þeirra. Saman getum við gert Faxasíðuna að lifandi síðu. Sendið mynd og texta til annabergrs@hotmail.com. 
 
Góða skemmtun á LM 2011

Fylgst með árangri félagsmanna á LM 2011

fyrstu niðurstöður

Forkeppni - Sunnudaga og mánudag

Barnaflokkur:

Gyða Helgadóttir - 21 sæti með einkunnina: 8,24
Sverrir Geir Guðmundsson - 70 sæti með einkunnina: 7,66

Unglingaflokkur:

Klara Sveinbjörnsdóttir - 26-28 sæti með einkunnina: 8,29
Konráð Axel Gylfason - 50-51 sæti með einkunnina: 8,18
Sigrún Rós Helgadóttir - 53 með einkunnina: 8,17

Ungmenni:
Bjarki Þór Gunnarsson - 61 með einkunnina: 8,05

Þórdís Fjeldsted - 69 með einkunnina: 7,86

B-flokkur:

Sóló frá Skáney knapi: Haukur Bjarnason - 68-69 sæti með einkunnina: 8,25

Skáli frá Skáney knapi: Randi Holaker - 81 sæti með einkunnina: 8,17

Elding frá Breiðabólstað knapi: Flosi Ólafsson - 85-86 sæti með einkunnina: 8,13

 

Kæru knapar innilega til hamingju með árangurinn. Þið sem hafði náð einkunn til að halda áfram í milliriðil (Klara og Gyða) gangi ykkur sem allra best. Til ykkar sem ekki náðu í milliriðil látið ekki deigan síga þið eruð flottir og verðugir fulltrúar Faxa, við erum stolt af ykkur öllum